Potensialınızı ortaya çıxarın: Ən Yaxşı İdman Geyimi Təcrübəsi

Bizim hekayəmiz

“T Finans LTD” MMC 2013-cü ilin sentyabr ayından fəaliyyət göstərir. Şirkət fəaliyyətinə müxtəlif növ qida məhsullarının istehsalı və satışı ilə başlayıb. Sonrakı illərdə ən yeni texnoloji avadanlıqların istehsalata tətbiqi ilə fəaliyyət sahəsini daha da genişləndirib.

Şirkət yeni müəssisə kimi gigiyenik, tibbi və hərbi geyimlər, idman geyimləri və bu kateqoriyaya aid digər xüsusi məhsulların istehsalını həyata keçirib. Fəaliyyətə başladığı ilk dövrlərdən etibarən 20 şəhid ailəsi ilə əməkdaşlıq edib. Vətən müharibəsi dövründə isə cəbhənin yataq dəstləri ilə təmin olunmasında mühüm xidmətlər göstərib.

Hazırda Türkiyə və Polşada filialları fəaliyyət göstərən şirkət istehsal etdiyi məhsullardan xeyriyyəçilik məqsədilə də istifadə edir. Müxtəlif vaxtlarda uşaq evlərinə, qocalar evlərinə, internat məktəblərinə və bir sıra klinikalara yardım göstərilib.

Bununla yanaşı, 4 saylı Qadın Cəzaçəkmə Müəssisəsinə, Bakı İstintaq Təcridxanasına, Gəncə şəhərində yerləşən 2 saylı İstintaq Təcridxanasına və Penitensiar xidmətin Müalicə Müəssisəsinə də dəstək məqsədilə gigiyenik yataq dəstləri təqdim olunub. Şirkət həmçinin şəhid ailələri ilə mütəmadi görüşlər keçirərək onlara mənəvi dəstək göstərir.

“T Finans LTD” MMC yaxın zamanda – 15 iyun Qurtuluş Günü münasibətilə Qarabağın gözəl guşələrindən biri olan Xanabat qəsəbəsində Ulu Öndər Heydər Əliyevin adına tikiş fabriki açmağı planlaşdırır. Fabrikdə idman malları və digər tekstil məhsullarının istehsalı nəzərdə tutulur. Layihə çərçivəsində 250–300 nəfər yerli sakinin işlə təmin edilməsi planlaşdırılır.

Qeyd edək ki, 7 mart 2026-cı il tarixində Xankəndi şəhərində “TFinans–Suvella” brendi altında şirniyyat evi açılıb. Açılış mərasimində çıxış edən şirkətin mətbuat katibi Ruhəngiz Əliyeva bildirib ki, şirkət kollektivinin böyük həvəslə çalışması və ölkə Prezidenti cənab İlham Əliyevin sahibkarlara göstərdiyi dəstək onları yeni layihələr həyata keçirməyə ruhlandırır.

O qeyd edib ki, şirkət iqtisadi və sosial layihələr vasitəsilə cəmiyyətə fayda verməyə və Qarabağın inkişafına öz töhfəsini verməyə çalışır.

Çıxışdan sonra şirkətin reklam siması olan Nuray Rəhman bir-birindən gözəl mahnıları ilə açılış mərasiminə qatılan qonaqlara xoş əhval bəxş edib.